Ինքնագիտակցություն

Յուրաքանչյուր մեծ փոփոխություն սկսվում է մի հարցից՝ «Ո՞վ եմ ես իրականում»։ Այս դասընթացը կօգնի քեզ պարզ տեսնել սեփական ուժեղ կողմերը, ազնվորեն նայել թույլ կողմերին և հասկանալ, թե ինչն է իսկապես կարևոր քեզ համար։ Դու կսովորես լսել քո հույզերը, ճանաչել վարքի թաքնված օրինաչափությունները և որոշումներ կայացնել ոչ թե հանգամանքների, այլ սեփական արժեքների հիման վրա։ Երբ ճանաչում ես ինքդ քեզ, ավելի վստահ ես ընտրում ճանապարհդ, ավելի խորն ես հասկանում մարդկանց և ավելի ազատ ես ապրում։

Ինքնագիտակցություն  փափուկ հմտությունների համակարգում ներառում է մարդու կարողությունը ճանաչելու, հասկանալու և գիտակցաբար գնահատելու իր զգացմունքները, մտածելակերպը, արժեքները, ուժեղ և թույլ կողմերը։

Այս հմտությունը ներառում է սեփական հուզական վիճակը տարբեր իրավիճակներում նկատելու կարողություն, սեփական արձագանքների պատճառները հասկանալու ունակություն, ինչպես նաև սեփական վարքի ազդեցությունը ուրիշների վրա գիտակցելու պատրաստակամություն։

Այս հմտությամբ օժտված մասնագետը գործում է ավելի մտածված և հավասարակշռված, չի առաջնորդվում միայն հույզերով և կարողանում է ճիշտ գնահատել իր հնարավորություններն ու սահմանափակումները։

Այս հմտությունը կարևոր է արդյունավետ հաղորդակցության, առաջնորդության և անձնական աճի համար։