About the course
Ինքնագիտակցությունը սեփական զգացմունքները, մտածելակերպը, արժեքները, ուժեղ և թույլ կողմերը ճանաչելու, հասկանալու և գիտակցաբար գնահատելու կարողությունն է։ Այն թույլ է տալիս նկատել սեփական հուզական վիճակը տարբեր իրավիճակներում, հասկանալ արձագանքների պատճառները, գիտակցել սեփական վարքի ազդեցությունը ուրիշների վրա, ինչպես նաև որոշումներ կայացնել ոչ թե հանգամանքների, այլ սեփական արժեքների հիման վրա։
Դասընթացի ընթացքում մասնակիցները կսովորեն ազնվորեն գնահատել իրենց հնարավորություններն ու սահմանափակումները, ճանաչել վարքի թաքնված օրինաչափությունները և կիրառել ձեռք բերված հմտությունները հաղորդակցության, աշխատանքի և անձնական աճի մեջ։
Ուսումնական պլանը կառուցված է փուլային և հաջորդական զարգացման տրամաբանությամբ՝ սեփական հույզերն ու արձագանքները նկատելուց և սեփական արժեքները հստակեցնելուց մինչև ուժեղ ու թույլ կողմերի ազնիվ գնահատում, վարքի թաքնված օրինաչափությունների բացահայտում, սեփական վարքի՝ ուրիշների վրա թողած ազդեցության գիտակցում և ինքնաճանաչման հիման վրա գիտակցված որոշումների կայացում։ Դասընթացը բաղկացած է 4 ծրագրային մոդուլից՝ շեշտադրելով գործնական վարժանքները (միջինում՝ 70%+ պրակտիկա)։