Դասընթացի նկարագիր
Կոնֆլիկտների կառավարումը տարաձայնություններն ու լարվածությունը ժամանակին նկատելու, դրանց պատճառները հասկանալու և կողմերի շահերը հաշվի առնող կառուցողական լուծումներ գտնելու կարողությունն է։ Այն օգնում է կոնֆլիկտները դիտարկել ոչ թե որպես սպառնալիք, այլ որպես փոփոխության ու զարգացման հնարավորություն, պահպանել հարաբերությունները դժվար իրավիճակներում, կառավարել սեփական հույզերը և խուսափել հակասությունների սրումից։ Դասընթացի ընթացքում մասնակիցները կծանոթանան կոնֆլիկտների տեսակներին ու պատճառներին, վարքագծի հիմնական ոճերին (օրինակ՝ Թոմասի-Քիլմանի մոդել), բանակցային և մեդիացիոն տեխնիկաներին (օրինակ՝ շահերի վրա հիմնված բանակցություն, «Ես-հաղորդագրություններ», ակտիվ լսում), կսովորեն վերլուծել կոնֆլիկտային իրավիճակները և կզարգացնեն հանդարտ, հարգալից ու լուծումների կողմնորոշված հաղորդակցվելու հմտություններ՝ աշխատանքային և առօրյա իրավիճակներում։