Դասընթացի նկարագիր
Վերապատրաստողների ուսուցումը (ToT՝ Training of Trainers) ծրագիր է, որը մասնագետներին պատրաստում է արդյունավետ դասընթացներ նախագծելու, վարելու և գնահատելու համար։ Այն հիմնված է մեծահասակների ուսուցման սկզբունքների վրա․ մարդիկ ավելի լավ են սովորում, երբ ուսուցումը կապված է նրանց փորձի և իրական խնդիրների հետ, և երբ նրանք ակտիվ մասնակից են, այլ ոչ թե պասիվ ունկնդիր։ Դասընթացի ընթացքում մասնակիցները կսովորեն ձևակերպել ուսումնական նպատակներ, կառուցել դասընթացի ծրագիր և սցենար, ընտրել ինտերակտիվ մեթոդներ, ներգրավել լսարանը և կառավարել խմբային դինամիկան, տալ կառուցողական հետադարձ կապ, գնահատել ուսուցման արդյունքները և կիրառել ձեռք բերված հմտությունները սեփական դասընթացներում։
