Դասընթացի նկարագիր
Թվային հարմարվողականությունը թվային տեխնոլոգիաներն ու գործիքները վստահորեն և արդյունավետ օգտագործելու, տեղեկատվությունը թվային միջավայրում գտնելու, գնահատելու ու անվտանգ մշակելու, ինչպես նաև նոր տեխնոլոգիական փոփոխություններին արագ հարմարվելու կարողությունն է։ Այն օգնում է բարձրացնել աշխատանքի արդյունավետությունը, օպտիմալացնել առօրյա գործընթացները, ճիշտ կառավարել տվյալներն ու թվային հաղորդակցությունը, պաշտպանել անձնական ու աշխատանքային տեղեկատվությունը և չվախենալ նոր գործիքներից՝ դրանք դիտարկելով որպես զարգացման հնարավորություն։ Դասընթացի ընթացքում մասնակիցները կծանոթանան թվային գրագիտության հիմնական ուղղություններին և գործիքներին (օրինակ՝ համագործակցային հարթակներ, տվյալների կառավարում, կիբերանվտանգության հիմունքներ, արհեստական բանականության գործիքներ), կսովորեն գնահատել թվային աղբյուրների հավաստիությունը, ընտրել առաջադրանքին համապատասխան գործիքներ, արդյունավետ աշխատել հեռավար և հիբրիդային միջավայրում և կզարգացնեն նոր տեխնոլոգիաներ սովորելու ու կիրառելու հմտություններ՝ աշխատանքային և առօրյա իրավիճակներում։