Ստեղծարար մտածողությունը նոր գաղափարներ առաջ քաշելու, խնդիրներին անսովոր տեսանկյունից նայելու և օրիգինալ, միևնույն ժամանակ կիրառելի լուծումներ գտնելու կարողությունն է։ Այն օգնում է դուրս գալ սովորական մտածելակերպի շրջանակներից, կապեր տեսնել առերևույթ իրարից հեռու երևույթների միջև և գաղափարները վերածել իրականացվող արդյունքների՝ չվախենալով փորձարկումներից ու սխալներից։ Դասընթացի ընթացքում մասնակիցները կծանոթանան ստեղծարար մտածողության հիմնական մեթոդներին և գործիքներին (օրինակ՝ ուղեղային գրոհ, SCAMPER, մտքի քարտեզներ, դիզայն-մտածողություն), կսովորեն հաղթահարել մտավոր արգելքները և կզարգացնեն գաղափարներ ստեղծելու, դրանք գնահատելու ու կյանքի կոչելու հմտություններ՝ աշխատանքային և առօրյա իրավիճակներում։